2022-2023 ikasturteari amaiera emateko, gosari goxo batez disfrutatu ondoren, DBHko ikasle guztiak taldeetan banatu eta jolas desberdinak egin zituzten pistetan.

Oso giro polita sortu zen talde guztien artean eta irabazleek irakasle taldearen aurka jolasteko aukera izan zuten ere.

Hemen jolasetan grabatutako zenbait momentu:

Uda polita pasa eta irailean ikusiko dugu elkar!

Azken aste honetan DBH osoko ikasleek irteera desberdinak egin dituzte gure inguruneetaz disfrutatzeko asmoz.

Pasaia-Donostia eta Orio-Zarautz ibilbideak ezagutzeko eta hondartzaz gozatzeko aukera izan dute.

Primeran ibili dira!

Larunbatean Karmengo Ama Eguna ospatu zen. Bertan, eskolako ikasle guztiek emanaldi bat eskaini zuten.

Gainera, DBH 4.mailakoek etapari bukaera emateko oroigarri bat jaso zuten, eta era berean, beraiek ere denoi agur hunkigarri bat eskaini ziguten eskolan eman dituzten urte guztiak gogoratuz.

Hemen duzue bideoa ikusgai:

Zorionak eta zorte on zuen bizitzako hurrengo etapan! Ondo izan!

Gure DBH2-ko ikasleekin STEAM proiektua bukatzea lortu dugu aurten.

DBH 2.mailako ikasleekin, "Rapeando poesía" proiektua garatu dugu.

Gaztelania eta Literatura irakasgaian, Proiektuetan Oinarritutako Ikaskuntzaren bidez kantuak sortu ditugu.

Poesia landu dugu kantuak sortu aurretik, hemen prozesuaren kontaketa.

Entzun ikasleek sortutako abestiak!

DBH 3. eta 4. mailako ikasleek "Emakumeak oholtzara" izeneko emanaldiaz gozatzeko aukera izan dute, Olatz Salvador eta Lore Nekane musikariei esker.

Aukera paregabea izan da emakumeek musikagintzan (eta oro har, kulturgintzan) bizi duten egoeraz hausnartzeko eta bi musikari hauek aurrez aurre ezagutzeko.

Eskerrik asko, Olatz eta Lore!

Ostegunean DBH 3.mailako ikasleak Algorriko irteera egin zuten.

Bertan, kostaldeko marearteko guneko ekosistemari buruz ikasi zuten, bertan bizi diren animali, alga eta landareak aztertuz.

Horretaz gain, geologia arloan bertako arrokak noiz eta nola sortu ziren, lurreko historian zehar emandako aldaketak eta mundu mailan eremu horren garrantziaz ikasi zuten.

Irteera bi zatitan banatu zen, hasieran museoa bisitatu zuten eta gero Algorri eta Itzurungo hondartzetara joan ziren.

Eguraldi zoragarriaz lagunduta primeran pasa zuten!

DBH 3.mailako ikasleek saio berezia izan dute Jon Basaguren musikariarekin (Izaki Gardenak taldekoa).

Haren ibilbideaz eta esperientziaz hitz egin eta bere musika zuzenean entzuteko aukera izan dute.

Plazerra izan da, Jon.

Eskerrik asko!

Aste Santu aurretik 4.mailako ikasleak beraien ikas bidaiaz gozatzeko aukera izan zuten.

Pirinioetan geldialdi bat egin ondoren, Bartzelona inguruan ibili ziren ekintza ugari egiten.

Primeran pasa zuten guztiek eta ziur ez dutela sekula ahaztuko!

Aurreko ostegunean DBH2ko ikasleek Añarbeko Uren instalazioak bisitatu zituzten; Petritegiko EUTE (Ur Edangarrien Tratamendu Estazioa) eta Loiolako HUA (Hondakin Uren Araztegia).

Goiz pasa ederra egin zuten bisita interesgarri hauek eginez!

Aurreko ostegunean, hilak 23, DBH3ko ikasleak Eureka! Zientzia Museoa bisitatu zuten. Bertan, Kimika Badago! eta Elektrizitatea tailerrak burutu zituzten. 

Jarduerak amaituta, museoan zehar bisita gidatua egin zuten, eta, azkenik, beraiek kabuz museoko areto desberdinak arakatzeko denbora ere izan zuten.

Primeran pasa zuten guztiek!

Aurreko ostegunean, DBH 3. eta 4. mailako ikasleek ipuin kontaketa musikatua izan zuten Ameli eta Xirrikituen jostunek ipuin-kontalariekin. "Munduko emakumeak" obraren bidez, munduko txoko desberdinetan bizi diren lau emakumeren larruan jartzeko aukera izan zuten ikasleek.

Martxoaren 8ko egitarau bereziarekin lotutako ekintza izan zen, eta aukera paregabea ikasleek euskarazko ahozko literaturaz gozatzeko.

Aste honetan, martxoaren 6an, DBH2ko ikasleek Irati Anda eskalatzailea ezagutzeko aukera izan dute. Emakume kirolari hau, eskalatzailea izateaz gain, Kirol Zientzietan lizentziatua ere bada eta bertsotan ere aritzen da. Bere ikasketez, lanbideaz, zaletasunez eta esperientziaz aritu da. Tarte atsegina pasa dugu.

Eskerrik asko, Irati!

(*Eskubiko argazkia ETBren jabetzakoa da, https://www.berria.eus/paperekoa/2208/034/002/2016-09-15/belar-zapaltzaile-estiloan-nabil-orain.htm helbidetik jasotakoa)

Aurreko ostiralean iñauteriak ospatu genituen eskolan, aurtengo gaia EUSKAL IÑAUTERIAK izanik.

Ikastetxeko Haur Hezkuntza, Lehen Hezkuntza eta Bigarren Hezkuntzako ikasle eta irakasle guztiek Euskal Herriko txoko desberdinetako mozorroak jantzi eta herrian zehar desfilatu eta dantzatu genuen.

Amaitzeko, DBHko ikasleek Gorputz Hezkuntzan eta Musikan prestatutako dantzen emanaldia egin zuten frontoian. Bitartean, Arte Adierazpenetako ikaslek Joxean Artzeren "Txoria txori" olerkian oinarritutako bi margolan burutu zituzten.

Hemen margolanen argazkiak:

Otsailaren 21ean, asteartean, 4.DBH-ko ikasleekin Txuri Urdin izotz jauregira joan ginen goiz pasa.

Hasieran, teknika pixka bat ikasi genuen, ondoren jolas batzuk egin eta azkenik musikarekin dantzatu genuen izotz gainean.

Ederki ibili ginen!

Hedatze proiektuaren barne, DBHko maila desberdinetako zenbait ikasleek, Baratza Ekologikoa tailerra landu dute lehenengo lauhilabetean zehar.

Bertan, honako gaiak landu dituzte:

1. Lurraren sorketa eta gure baratzako lurraren ezaugarriak.
2. Landareen fisiologia. Fotosintesia (oinarrizko beharrak).
3. Ura. Pasaiako meteorologia, baratzean izango ditugun baldintzak aurreikusteko.
4. Lurra emankor mantentzeko estrategiak:
   • Errotazio eta txandakatzeak
   • Abono berdea
   • Konposta edo simaurra gehitzea
   • Karea gehitzea

Gainera, aurtengo balorazioa egin ondoren, hurrengo urterako erronken artean, honakoak aurkitzen dira:

• Baratzaren maldari aurre egiteko terraza maila gehiago egitea.
• Lurraren emankortasuna handitzea.
• Karakola eta bareak sortutako arazoak ekiditeko, aurten bezala, oso efektiboak izan diren izkutaleku-tranpak jartzea.
• Kanpoaldeko maldarik handieneko lekuetan landare aromatikoak jarri dituzte intsektu polinizatzaileak erakartzeko. Hauentzako bizilekuak eraikitzea komenigarria ikusten da.

Tailerrean zehar ikasleen inplikazioa bikaina izan da, eta proiektuarekin jarraitzeko asmoz, asteleheneko jolasorduetan baratza lantzea adostu dute.

Hemen tailerrean ateratako argazki guztiak ikusgai.

Haur Hezkuntzako patio berria dugu! Harro gaude gure haur-jolastokiaz. Ahalegin handia egin ondoren, Pasaiako Udalaren laguntzarekin,gure ikasle txikitxuentzatko patioa berritzea lortu dugu. Aukeratutako materialak, jolas-egiturak eta, batez ere, ingurunearekin eta naturarekin bat datozenak izan dira. Gozatu txikiak!

BIDEOA

Laster irekiko da 2023-2024 ikasturterako matrikula berrien epea. Informazioa jaso nahi izanez gero, 943 899 248 telefonora deitu edo eskolara joan zaitezkete. Zuen zain gaude! 

Esteka honetan matrikulazio-prozesuari buruzko informazioa duzue. INFORMAZIOA

"ATE IREKIEN ARRATSALDEA" antolatu dugu eskola gertutik ezagutzeko aukera izan dezazuen.

NOIZ: otsailak 15, asteazkena

ORDUA: 16:00tan

NON: Haur Hezkuntzako eraikina

Urtarrilaren 31ean, Axpi ilustratzailearen bisita izan genuen ikastetxean. Harekin lehenengo hiruhilekoan, Euskara eta Euskal Literaturan irakasgaian, landutako komiki tailerra egin zuten DBH 1.mailako ikasleek.

Eskerrik asko, Axpi!

Urtarrilaren 23an, DBH 2.mailako ikasleak Euskadiko Orkestraren sedera joan ziren "Living Room Music" kontzertuaz disfrutatzera. Gure gorputzarekin eta inguruan ditugun hainbat tresnekin egin ditzakegun soinu ezberdinak entzun ahal izan zituzten.

Zoragarri!

Urtarrilaren 18an, DBH 1.mailako ikasleek solasaldia izan zuten Lur Gallastegi idazlearekin.

Lehenengo hiruhilekoan irakurri duten Uda bat Senegalen liburuari buruz eta idazleari buruz informazio handia eskuratu genuen.

Eskerrik asko, Lur!

Urtarrilaren 12an, DBH 4.mailako ikasleek solasaldia izan zuten Alaine Agirre idazlearekin.

Lehenengo hiruhilekoan irakurri dituzten Maren eta Libe eleberriei buruz eta idazleari buruz galderak egiteko aukera izan zuten.

Eskerrik asko, Alaine!

Abenduaren 19an, DBH 2.mailako ikasleek solasaldia izan zuten Jon Arretxe idazlearekin.

Hiruhileko honetan iraurri duten Beti iparralderantz eleberriari buruz eta idazleari berari buruz galderak egiteko aukera izan zuten.

Asko ikasi genuen Afrikari eta afrikar askoren bizimoduari buruz.

Errepikatzeko modukoa, Jon! Eskerrik asko!

Abenduaren 15ean, DBH 3.mailako ikasleek tarte atsegina izan zuten Koldo Izagirre idazlearekin.

Hiruhileko honetan irakurri duten Dumitru eleberriari buruz eta idazleari berari buruz galderak egiteko aukera izan zuten.

Plazer bat, Koldo. Eskerrik asko!

Aurreko ostiralean, hilak 2, Euskararen Eguna ospatu zen ikastetxean, eta eguna behar bezala goraipatzeko, DBH etapan ekintza eta jarduera ugari burutu ziren.

Lehenik eta behin, Euskaraldiari amaiera emateko, gela bakoitzak hizkuntza ohiturak aldatzeko erronkaren balorazioa eta kontsumo ohiturei buruzko saioa burutu zuten.

Ondoren, HH, LH, DBHko ikasleak, eta zenbait guraso, patioan elkartu ziren pregoia entzuteko. DBH 3. eta 4.mailako ikasle batzuk pregoia irakurri eta festari hasieran eman zitzaioen erraldoiekin batera.

Festa giroan sartuta, musika entzuteko edota ikusteko tartea izan zuten gela desberdinen arteko lehiaketarako berotzen hasiz.

Gela guztiek desafio eta erronka desberdinei gogotsu aurre egin zioten lehiaketa garaile suertatu ahal izateko, baina azkenean enbate baten bitartez 2A eta 4A gelek irabazi zuten.

Egunari amaiera borobila emateko, Andoni Ollokiegiren emanaldia izan zen frontoian, eta ikasle eta irakasle guztiek primeran pasa zuten kalejiran eta dantzan.

Hemen, eguneko irudiak biltzen dituen bideoa:

Eta gogoratu, EUSKARAZ GEHIAGO, GEHIAGOREKIN ETA GEHIAGOTAN!

Aurten DBH 4.mailako ikasleak Durangoko Azokaren 57.edizioa gertutik ezagutzeko aukera izan dute.

Aurreko asteazkenean azokako hasiera eguna zen ikasle goizan bertaratu ziren eta esperientzia polita bizi izan zuten guztiek.

Lehenengo urtea da gure ikasleak Durangoko Azoka disfrutatzeko aukera dutena eta hemendik aurrera urtero joatea dugu helburu.

Gainera 3.mailako zenbait ikasleek ere azokako portaDA! erronkak parte hartu dute. Lehiaketa honen helburua euskaraz jarduten duten musika taldeak eta euren diskoak ezagutaraztea eta gaztetxoen sorkuntza sustatzea da. Horretarako, pertsonen gorputzak edo eskura izaten ditugun elementuak erabilita, euskarazko disko baten azalean agertzen den irudiaren bat etorraraziko den kartel bat diseinatu behar zuten.

Irabazi ez duten arren, lan bikainak aurkeztu dituzte. Hemen beraien proposamenak:

1.Ebaluaketan zehar Gorputz Hezkuntza arloan zenbait irteera burutu dira.

DBH 1.mailakoak Uliako Natur Eskolan Orientazioa landu zuten eta bertako inguruetatik talde dinamika joko desberdinak ere burutu zituzten aldapan gora eta behera.

Gainera, balearen behatokian ere izan ziren, baleak ikusi ez zituzten arren. 

DBH 2.mailakoak klase orduetan ere txango bat egiteko aukera izan zuten. Puntaseraino oinez joan zire eta gero Uliatik egin zuten buelta.

Hemen 1.mailako eta 2.mailako irteeren argazki guztiak ikusgai.

Azaroaren zehar DBH 1. eta 2. mailako ikasleek literatur saio bereziak izan dituzte Ainhoa Mariezkurrena pasaiar gazteak dinamizatuta. Hainbat aukeren artetik, gela bakoitzak irakurketa liburu bana hautatu du, ikasturtean zehar irakurtzeko.

Udaleko Euskara Sailarekin elkarlanean antolatutako ekintza da eta irakurzaletasuna sustatzea du helburu.

Saioak Trintxerpeko liburutegian izan dira, hemen argazki batzuk ikusgai.

Azaroaren 20an Haur eta Nerabeen Eskubideen Nazionarteko Eguna ospatzen dela eta, ostiralean ekintza desberdinak burutu ziren ikastetxean.

Hemen, DBHko ikasleak jolasorduan egindako ekintzen argazkiak.

5 urte pasa dira dagoeneko eskolako energia aurrezteko asmoz, 50/50 proiektua martxan jarri zenetik. Bertan, lantalde bat eratu zen eta ikasle, irakasle, udal teknikari, udal mantenu langile eta energia aholkulariak elkarrekin lan egiten dute eskolan hobekuntzak egiteko.

Aurreko astean proiektuan parte hartzen duten Oarsoaldeko eskolak Lezon burutu zen ekitaldira joateko gonbidapena jaso zuten. Gure ikastetxetik ikasle arduradunak eta bi irakasle bertaratu ziren. Han, aurreztutako diruaren txekearekin sarituak izan ziren eta poz pozik bueltatu ziren ikastetxera.

Hemen, orain arte hartutako neurriak biltzen dituen bideoa duzue ikusgai.

Gainera, Diario Vasco-n ere ekitaldiaren berri eman zuten. Hemen uzten dizuegu bertan jarritako argazkia eta argitaratutako berri osoa irakurtzeko aukera.

Diario Vasco-ko berria

Urriaren 24ean DBH 4.mailako ikasleak Eureka! Zientzia Museoak antolatutako Bizitza Zientifikoen 11.topaketara joan ziren.

Bertan, ikasleen bokazio zientifikoa sustatzearren zientzia eta teknologia arlo desberdinetako profesionalekin zuzenean hitz egiteko aukera izan zuten.

Primeran pasa zuten guztiek!

Hemen irteerako argazki guztiak ikusgai.

Gurean DBHko irakasle den Zigor Garcia artistaren lana, jada ikastetxeko horman dago jarria. Ikastetxea osatzen dugun partaide guztion bostekoez bustinean egindako piezekin osatutako lan bat da. Ikasleek, irakasleek, sukaldariek, begiraleek,... bustin zati bat eskuan hartu eta ondokoari eskua ematean, bakoitzaren arrastoa jaso dugu, pieza bakarra sortuaz, gero Zigorren artearekin, ikastetxeko aniztasuna kolore ezberdinekin adierazita lan honetan isladatuta gelditu direnak. Eskerrik asko Zigor, ederra lana!!!

Arte lanaren prozesuan zehar egindako argazki guztiak hemen ikusgai.

Hemen artelanari buruz Zigorri egindako elkarrizketa irakur dezakezue:

• Nola sortu zen proiektua?

Aurreko ikasturtean horrelako proiektu bat sortzeko baldintzak sortu ziren. 90.hamarkadan Karmengo Ama eskolak San Pedroko arte tailer gaztetxeari zeramikazko labe bat eman zigun. Zoritxarrez, elektrizitate kontuak zirela eta, ez genuen inoiz erabili eta San Pedroko udaleko lokal batean ahaztuta gelditu zen.

Ikastetxean lanean hasi nintzenean eta plastikako gela moldatzen hasi ginenean, labea berrezkuratu egin genuen eta martxan jartzea posible izan zen.

Iaz, labearekin proiektutxoren bat egiteko grina piztu zitzaidan. Egoera horretan ere, beste pizgarri batzuk ere bazeuden. Bigarren Hezkuntzako irakasleek eskolako beste etapekin egunero pasiloetatik topo egiten dugn arren, nolabaiteko distantzia sentitzen genuen. Eta harremana estutzeko asmoz, eskola osoa elkartzen zuen zerbait egitea bururatu zitzaidan.

• Nork hartu du parte?

Eskolako partaide guztiek hartu dute parte, ikasle, irakasle, zuzendaritza, sukaldari, begirale, udaletxeko langile, garbitzaile... guztira 500 pertsona baino gehiagok.

• Zein izan da zure inspirazioa?

Gabriel Orozco artista garaikideak 1991. urtean "Mis manos son mi corazón" artelana aurkeztu zuen. Hemen obraren argazkia.

Honetan, buztinetan bere eskuen aztarna utziz, artistaren bihotza eta sentimenduen karga zigilatu zituen. Horren atzetik hainbat artistek irudi poetiko hori beraien lanetan erabili dute eta guk ere halaxe egin dugu.

• Zer esanahi dauka proiektuak?

Eskolako ibilbidea egiterakoan gure izakeran eragina izango duen aztarna bat jaso, gorde eta eraman egiten dugu. Buztinez egindako lan artistiko honen bitartez, eskolari gure aztarna bueltatu egin diogu. Horretarako, buztiean zanpatuta gure eskuen zigilua utzi dugu.

• Zein pauso eman zenituen proiektua aurrera eramateko?

Lehendabizi DBHko 2.mailakoek buztin zuria koloreztatu eta, 100 gramoko bolak eginez, partaide talde bakoitzari zegokion multzoa prestatu zuten.

Ondoren, talde bakoitzarekin proiektua aurkezteko eta gauzatzeko hitzordua lotu genuen. Eta horrela, Haur Hezkuntzako 2 urteko geletatik hasita eta Lehen Hezkuntzako gela guztietatik pasatuz, Bigarren Hezkuntzako talde guztiak bete arte. Bidean, jangelako langileak, udaletxeko langileak, garbitzaileak eta zuzendaritzako taldeak ere parte hartu zuten.

Jarraian, DBHko 2.mailakoek material hori guztia ondo zaindu, sailkatu, lehortu eta labean sartu zuten.

Tamalez, ikasturtean amaierara jo zuen eta ikasle hauek ez zuten aukerarik izan, aztarnak elkarrekin itsasi eta priektua amaitzeko. Lan hori nik bakarka egin nuen ikasturteko azken astean.

Azkenik, ikasturte honen hasierako egunetan eskolako mantenuko langileak eta nik, udaletxeko brigadako langileen laguntzarekin artelana eskolako fatxadan kokatu genuen. Eta bide batez, langile hauen parte hartzea eskertzen dugu.

Bukatzeko, lanaren karga poetikoa adierazteko, artelana olerki batez lagundu da. Bertan hezkuntzaren bitartez eskolak uzten digun aztarkaren ideia indartu da.

• Zenbat denbora behar izan duzu proiektua garatzeko?

Aurreko ikasturteko 3.ebaluaizoa eta aurtengo kurtso hasierako ostiralak.

Kaixo!

Euskaraldiaren hirugarren edizioa badator. Hizkuntza ohituretan eragin eta euskaraz ekiteko aurtengo ariketa azaroaren 18tik abenduaren 2ra izango da. Bertan, hirugarrenez, ahobizi eta belarriprest izateko aukera izango dugu. Informazio gehiago jasotzeko eta ariketa kalitatez egiteko gakoak azaltzeko antolatu ditugun aurkezpenetara gonbidatu nahi zaitugu. Aurkezpenak euskaraz izango dira.

GURASOENTZAKO AURKEZPENAK

Egunak:

1. saioa: Urriak 13, osteguna (saio orokorra)

2. saioa: Urriak 20, osteguna (saio praktikoa)

Ordua: 16:30-17:30

Lekua: Gela anitza

Bertan elkartuko garelakoan, ondo izan!

Hemen aurreko edizioan parte hartu zuten gurasoen bideoak ikusgai:

Ikasturte berria hasi dugu iada gure ikastetxean, eta aurten berrikuntza garrantzitsu batekin gatoz: ordenagailu berriak ikasle guztientzat!

Hemendik aurrera DBH-n hasitakoan ikasle bakoitzari eramangarri bat egokituko zaio DBH etapa osorako.

Ordenagailuak gelan erabili eta kargatuko dira, eta behar izanez gero, etxera ere eraman ahal izango dituzte.

Eramangarriak oso erabilgarriak izatea eta haiekin asko ikastea espero dugu!

Ekainak 21ean, asteartea, ikasturteari agur esateko, egun polita antolatu dugu, jarduera desberdinekin. Goizean, gelan ospatuko dugu, eta arratsaldean, Guraso Elkarteak antolatuta, puzgarriez eta bestelako jarduerez gozatuko dugu.

EGITARAUA      ARGAZKIAK       BIDEOA

Astelehenean DBH 2-ko ikasleak surf ikastaro bat jaso zuten Donostiako Zurriola hondartzan.

Primeran ibili dira denak!

Eguneko argazki guztiak hemen ikusgai.

Aurreko astean DBH 2-ko ikaslean Lizarran izan ziren 3 egunez. Bertan, abentura parkea, eskalada, kayak, ginkaka eta abarrez disfrutatzeko aukera izan zuten. Gainera, eguraldiak lagunduta igerilekuaz ere gozatu zuten.

Hemen momentu onenak biltzen dituen bideoa:

Aurten Zientzia Tailerrean ikasleek esperimentu oso interesgarri eta dibertigarriak egin dituzte.

Hemen horietako hiru bildu ditugu: elefanteentzako hortzetako pasta, suge beltza eta ur kohetea.

Aurreko Maiatzak 6an DBH 1eko ikasleak Pasaiako Mater Museora joan ziren.

Bertan "ITSAS EKOSISTEMAK" izeneko tailerrean parte hartu zuten, Pasaiako itsas inguruneko flora eta fauna aztertuz eta identifikatuz.

Hemen dituzue irteerakok argazki guztiak

Hainbat astetan DBH2ko ikasleak  irristaketa gaia landu dute Gorputz Hezkuntzan.

Hamaika eroriko, izerdi eta saiakeraren ondoren ikasleek maila bikaina dutela erakutsi dute.

Hemen horietako hainbat momenturen bideoa.

Aste honetan DBH 3.mailako ikasleak Irrisarri Land-en izan dira bi eguneko txangoan.

Bertan, honako jarduerak egin dituzte:

• 3 tirolina, horietako bat 900 m luzerakoa.
• Arborismoa, hau da, zuhaitzen enborren tartean eraikitako zirkuitutik ibiltzea.
• Zentzumen zirkuituak: itsuak eta haien gidariak izango balira bezala ibiltzea eta oinutsik ibiltzea lurzoru desberdinen gainean
• Interpretazio ibilbidea: Irrisarri Land-en dagoen jauregiaren historia, bertako animaliak, aintzinako ikaztegiak, txondorren historia eta eraikitzeko teknikak ezagutu eta zubi tibetarra gurutzatu.
• Basoan barrena ibilbide bat egin gauez linterna eta frontalekin.
• Ur jokoak 

Primeran pasa zuten denak!

Maiatzak 4 eta 5ean Liburuaren Eguna ospatu genuen ikastetxean. Ipuin zirkuitua antolatu genuen eta ikasleek ipuinak hizkuntz desberdinetan entzuteko aukera izan zuten: euskaraz, gazteleraz, galegoz, ingelesez eta errumanieraz. Ipuin kontalari gisa ikasle batzuen senideak, DBHko ikasleak eta bertako langileak izan genituen. Mila esker denoi egun berezi honetan parte hartzeagatik!

ARGAZKIAK HAUR HEZKUNTZA

ARGAZKIAK LEHEN HEZKUNTZA

Ostiralean, hilak 8, Korrika Gaztea eta Korrika Txikia ospatuko genituen. Korrika ofiziala goiztiarra izan zen eta Trintxerpetik igandean pasa zen goizeko 5etan. Hemen dituzue argazkiak eta bideoak. Korrikaren antolatzaileek Trintxerpen egindako bideoa bidali digute. Arantxa Eguzurain haur hezkuntzako irakasleak, Loli García jangelako begiraleak eta Argoitz Martínez DBH4ko ikasleak eraman zuten lekukoa Karmengo Amaren izenean.

KORRIKA GAZTEA

KORRIKA TXIKIA

KORRIKA OFIZIALA

BIDEOA

Aste Santuko oporrei hasiera emateko gosari osasungarria antolatu genuen eskolan. Elkarrekin gosaldu genuen ikasleak, irakasleak... dena primeran!

ARGAZKIAK

Aste honetan DBH4ko ikasleak hainbeste itxaron duten ikas bidaiaz disfrutatzen ari dira.

Primeran pasatzen ari dira Bartzelona eta Salou inguruan!

Martxoaren 4ean eskolako iñauterietako festan DBHko ikasleen artean dantza lehiaketa antolatu zen.

Begira zein dantza politak prestatu zituzten!

Bertan, DBH 1A gelakoak dantzari apartak zirela erakutsi eta sari gisa BUBBLE FUTBOL saio bat irabazi zuten!

Hemen ekintzaren bideoa:

LH 3ko gelak Orioko Txurruka aterpetxean pasa dituzte 3 egun. Menditik bueltaxka, piraguan ibili... Zein ondo pasa duten!

ARGAZKIAK

LH 6 gelak egun batzuk pasa dituzte Irrisarri Landen. Primeran egon dira! Argazkietan ze ondo pasa duten ikusteko aukera duzue.

ARGAZKIAK

Eta hurrengo astean LH3ko gelen txanda izango da, Oriora joango dira. Ondo pasa!

Gaur, martxoak 8, NAZIOARTEKO EMAKUMEEN EGUNA ospatuko dugu eskolan. Gaur eskolako kolore nagusia morea izango da.

ARGAZKIAK

Ospatu ditugu gure inauteriak!!. Umorez eta alaitasunez beldurrari aurre egin diogu! Hemen dituzue ateratako bideo eta argazkiak. Disfrutatu!

ARGAZKIAK         HH BIDEOA       LH BIDEOA     DBH BIDEOA

Dakizuenez, zorrien bisita izaten dugu tarteka eskolan. Hemen dituzue zenbait aholku zorriei eta bartzei aurre egiteko:

ZORRIAK: BURUKO MIN TXIKI HORIEK

ZER EGIN ZORRIAK EDO BARTZAK DAUDENEAN

ESKOLAKO ZIRKULARRA

22-23 ikasturterako aurrematrikula epea urtarrilak 17tik 28ra egongo da irekita. Informazio gehiago hurrengo estekan:

MATRIKULA  22-23

Ostiral honetan egun berezi hau ospatuko dugu. Musikaz eta dantzaz gure patioak alaituko ditugu.

ARGAZKIAK ETA BIDEOA

Argazki eta bideoen estekan aurki ditzakezue igotako azken bildumak. Disfrutatu!

ARGAZKIAK

BIDEOAK